Karvanın may buraxılıışında

Həmişə olduğu kimi, bu dəfə də sizin görüşünüzə çox maraqlı məqalə və məlumatlarla gəldik. Bu sayımızda Quranın daha bir möcüzəvi-elmi  xüsusiyyətini üzə çıxardıq. Yəqin xatırınızdadır, curnalımızın keçən sayında haqqında bəhs edilən kəlmeyi-şəhadətin sırrini açıqlayan oxucu üçün hədiyyə nəzərdə tutmuşduq. Sizdən tutarlı cavab ala bilməyib özümüz onun sirrini açıqladıq. Oxucuların çoxsaylı suallarınızı da cavablandırdıq.

Son zamanlar mübahisəyə səbəb olan daha bir mühüm məsələyə də aydınlıq gətirdik. Bu da qəbir üzərində inşa olunan tikililərin haram olub-olmaması ilə əlaqədardır.

Sürmənin sirli və faydalı xüsusiyyətləri sizdə maraq doğurmaya bilməz. Elə isə gözünüz-qulağınız  bizdə olsun.

Quşbazların nəzərinə! Sizə quşların halal-harımlığı barədə maraqlı məlumatlar verəcəyəik. İmam Əlinin (ə) qəbrinin nə üçün uzun müddət gizli saxlanıldığını bilirsinizmi? Elə isə gözünüz bizdə olsun. Bu, hələ son deyil. Namaz qılanın olar-olmazları, insanı düşünməyə vadar edən məzmunlu hədis və rəvayətlər,  Bəhlul-Danəndənin məzəli hekayələri, qəlbləri lərzəyə gətirən həzin hekayələr, İslam tarixi ilə əlaqəli olan bir çox maraqlı məlumatlar da bizim bu sayımızda dərc etdik.